आरोग्यम् धनसंपदा आरोग्य हिच खरी संपत्ती! हे नेहमीच ऐकायला मिळणारे शब्द, पण तितकेच खरे असलेले बोधवाक्य! शहरी भागात विकास ऐके विकास त्यामानाने ग्रामीण भागात भकास ऐके भकास असेच. ग्रामीण भाग म्हणजे शेतकरी वर्ग आला आणि शेतकरी हा उभ्या राष्ट्राचा पोशिंदा! त्याच्याच मुलभूत गरजांवर घाव? ही लाजिरवाणी आणि चिंतेची बाब आहे. सद्यस्थितीत कित्येक खेड्यापाड्यात आरोग्यव्यवस्था फारशी सुधारलेली नाही. सुविधाअभावी त्रासही भोगले आहेत. मात्र त्याकडे दुर्लक्ष्य होताना निदर्शांत येते आहे..

आज लांजा-राजापूर या तालुक्यात असलेली शासकीय आरोग्यसेवा आजारी असून दुरावस्थेत आहे.. तिच्या आजारपणामुळे कित्येक निष्पापांना त्रास सहन करावा लागलाय. या आजाराच कारणच मूळात शोधाल तर आपणच आहोत. आरोग्य ही आज अतिमहत्वाची गरज असताना देखील नेहमीचेच साहेब आमच्या रस्त्याकडे जरा पहा म्हणणारे कधी नव्हे आरोग्याकडे एकदा पहा असे म्हणतो का? पडक्या इमारतीकडे पहा! असे म्हणायला धजावतो का? तर नाही. का? तर कुणी त्याकडे त्या नजरेनेच पाहिलं नाही. आणि मागितलही नाही. मागितल्याशिवाय देण नाही हे सरकारी कामकाज हेही तितकच खरंय. एवढ सर्व माहिती असूनही आपण शांत का? का त्या डांबर लावलेल्या रस्त्यावरच अडकून राहिलोय.